مشهد وموضوع يستحق النقاش؟؟؟؟؟؟

هل المراة تعمل كده علشان مايرفض مرة ثانية اذا هي طلبت منه طلب ؟

اممم ما بعرف كيف المرآة بتفكر بس هاي طريئة غللط بنظري

اليس من حق الزوج ان يرفض وتتقبل الزوجة بصدر رحب هذا الرفض ؟

اكيييد الو حق يمنعها بس كل احترامي مو لكل شي لانو في شي ئلو حدودو

اليس ملاطفة الزوج كافي ان تعود المراة من زعلها ؟


اشي اكيييد ...
وقول زوجها لها روحي انقلعي او بالطقاق جابتها لنفسها ؟
اها بالزبط لو قابلتو بوج حللو وضحك ما كان حكى هاي الملافظ

هذا نوع من العناد ؟

برأيي اها.... والمرآة عنيييدة كتيييييير
هل هذه دروس لزوج كانها تقول انتبه من زعلي ؟

امممم مهما عملت الزوج ما بتراجع عن كلاامو مهما كانت الاسباب او الظروف

وهل في تصوركم ان الرجل في المرات المقبلة يسمح لها بعد هذا المشهد والعناد منها ؟

اممم ما اظن والله يا كبير لانها عنييدة وبتستحئ هاي المعاملة





يسسلمو على الموضوع الحلو


بس عندي سؤال؟ ليش الزوج رفض للمرآة الذهاب عند صاحبتها؟؟؟ هون السؤال؟


تقبل مروووري ومشكور يا حب على الموضوع المهم

سؤالي ..
هل المراة تعمل كده علشان مايرفض مرة ثانية اذا هي طلبت منه طلب ؟
بتوقع اها لانو بتفكر هيك الموضوع

اليس من حق الزوج ان يرفض وتتقبل الزوجة بصدر رحب هذا الرفض ؟
اها من حقو بس لازم يكون السبب واضح
اليس ملاطفة الزوج كافي ان تعود المراة من زعلها ؟
اها شي اكييييييييييييد هههههههههههههه ع رايكم احنا بنضحك علينا بكلمتين حلوات عئولنا صغيرة بس مو الكل طبعا
وقول زوجها لها روحي انقلعي او بالطقاق جابتها لنفسها ؟

قلعة زيحو من خلئتها ع هالالفاز هادي ههههههههههههههههه


ممممممممممممممممممم لو انها مو عنيدة كان انحلت المشكلة من اولها

بس لعناد بوجع الراس


يسلموووووووووو مشااكس



هذا نوع من العناد ؟
هل هذه دروس لزوج كانها تقول انتبه من زعلي ؟
وهل في تصوركم ان الرجل في المرات المقبلة يسمح لها بعد هذا المشهد والعناد منها ؟

هل المراة تعمل كده علشان مايرفض مرة ثانية اذا هي طلبت منه طلب ؟

ممممم اتوقع المرة اللي بتعمل هيك بكون مخها صغير ما بعرف زوجها يتفاهم معها لو شو ما عمل معها ما علية الحق هو الزلمة بالبيت بمشي مرتو زي ما بدو

اليس من حق الزوج ان يرفض وتتقبل الزوجة بصدر رحب هذا الرفض ؟


ممممم كل زلمة حر بمرتو تعب طول السنين عشانها مممم بس هي شافتو مبسوط وقاعد بالبيت مو حلوة تتركو وتروح عند صاحبتها

اليس ملاطفة الزوج كافي ان تعود المراة من زعلها ؟

مممم اتوقع ما لازم عملت هيك كان لو رضيت خلص الموضوع من اساسو بس العناد والكبرياء الزايد انها تضحك بوج جوزها بوجع الرااااس

وقول زوجها لها روحي انقلعي او بالطقاق جابتها لنفسها ؟

مممم اتوقع هو كمان غلط هي جابتها لنفسها بس برضو لو هو عاقل ما جاوبها تركها لضميرها لحالها بتيجي تستسمحو

هذا نوع من العناد ؟

هاد نوع من التكبر الزايد بتكون شايفة حالها عشي فاضيي وهو كمان ما بحترم ما لازم سب عليها

هل هذه دروس لزوج كانها تقول انتبه من زعلي ؟

ممممممم ازا هي قصدها هيك بكون معدوم الخير منها لزوجها وبتستاهل اكتر من هيك كمان اللي بتفضل تروح عند صاحبتها بيوم زوجها يكون مبسوط وقاعد بالبيت

وهل في تصوركم ان الرجل في المرات المقبلة يسمح لها بعد هذا المشهد والعناد منها ؟



ممممم ازا سمحلها ما بكون رجل اصلا بكون ارنب مرتو حاكمتو وبخاف من عصبيتها اما بالحب اللي بينهم المرة بتحكم الزلمة الكلمة الحلوة طالعة والعاطلة طالعة وبتستاهل ازا ما سمحلها تطلع نهائيا من البيت معاه حق ما حدا بلومو





هههههع صراحة بصفتي هاي ما اسمها عيلة هاي حسبة شكلها او عيلة معدوم الخير منها ههع هع هع الله لا يبلي واحد فينا بمرة زي هاي


كل الاحترام لالك حمووووود عالموضوع الحلو الله يسعدك يا رب

هل المراة تعمل كده علشان مايرفض مرة ثانية اذا هي طلبت منه طلب ؟
مش عشان ما يرفض يمكن عشان كان لازم يعطيها سبب الرفض

اليس من حق الزوج ان يرفض وتتقبل الزوجة بصدر رحب هذا الرفض ؟
يمكن من حئو بس مو بهاي الطريئة لو حكالها اأجليها لو عرف سبب الزيارة يعني هو رفض مدون ما يعرف السبب

اليس ملاطفة الزوج كافي ان تعود المراة من زعلها ؟
امممم مو كتير بس بردو المرا مو لازم تكون عندية بهاي الشغلة يعني لو ناقشتو لو فهمتو ما كان صار صار هيك

وقول زوجها لها روحي انقلعي او بالطقاق جابتها لنفسها ؟قلعة تقلعو هههههه ما بسير يسب عليها لازم يكون في احترام مو لهدرجة

هذا نوع من العناد ؟
لا مو عناد لانو هي ما عرفت السبب الرفض هو رفض ئبل ما يعرف سبب الزياره

هل هذه دروس لزوج كانها تقول انتبه من زعلي ؟
يمكن


هذه بعض المواقف التي تحصل في الحياة الزوجية .. التي تترك اثر سلبي في حياة الزوجين
ياريت نناقش الموضوع بايجابية بدون انفعالات .. او الانحياز لطرف دون الاخر

اه اكيد رح تترك اثر سلبي ورح تسير الحياة جحيم لانو ما في تفاهم لازم يكون في شد وفي رخي مو كلو شد هي الحياة ما بتنمشي رح يضلو متزاعلين على طوول

شكرا