ياه ياماما ده يوم صعب بشكل
هي العربية أتاخرت ولا انا بيتهيألي ...........
فجأة الناس كلها بتضحك وفي وادي وأنا في وادي تاني... تايهة اوووووي
الناس كتير على الجانبين وكلهم جايين عشاني أنا.... بس هو فين؟؟؟؟
ياه جاي هناك أهو... اخيرا هيقف جنبي هاكلمه وهاضحك براحتي..
وهأقوله كل اللي نفسي فيه... خلاص كلها ساعة... اتنين هيكون حلالي
هأديله قلبي يحفظه جوا قلبه ياترى هالاقيه ازاي...مايهمش ...المهم فرحانة
بس هو بيصلي ويصوم ومحترم اوووي وبيخاف ربنا يعني هيشلني في عنيه... وقعدت اضحك وانا كل ده في دماغي والناس هايصة
بأفكر خلاص كل الحواجز بينا هتتشال... وفجأة أفتكرت حاجات كتييييير وضحكت كمان
ياه .. مش هما دول اللي قالوا عليا معقدة ومش هاتجوز لأني
مش زي بقية البنات ولا بالبس وحش ولا باصاحب ولاد ولا بألفت نظر حدمش قالوا اني عقد أووووووووي.. الحمدلله ربنا نصرني... عرفهم مين صح ومين غلط
ياه بتفكري في ايه... أنسي أنسي
ياه خلاص هنصلي سوا ونقرأ القرءان كمان وأقعد معاه في مكتبتنا الصغيرة يشرح لي في الدين شوية وفي العلوم شوية
ياه .. أسكتي بقى دول بيندهوا عليا عشان أمضي
ايه ده خاص بقيت مراته وسمعت الزغاريط حوليا وقلبي من جوا في فرح تاني ووأنا بأمضي كنت بأقول الحمدلله يارب أنك عليا رضيت
أنا بأعاهدك أكون ليه زي ما يارب حبيت
وأحافظ علي بيتي كمان ,,,, كفاية بقى خلاص اهو جه يبارك ليا
وهنا خلاص فكري سكت عن الكلام
2/25/2012, 09:38
