اني نابلسية وبحب نابلس وبعشقها ........ بتعرفوا ليش؟؟؟ فوتو لتعرفوا......

شوفوا كيف تاكل البنت::

تغسل يدها بصابون لوكس..وتنشف بكلينكس.هذا قبل الأكل طبعاً.

تمشي بخطوات هادىء الى ان تصل لغرفة الطعام.

تدفع الكرسي الى الخلف بكل رقه وتجلس عليه بحنان*

وإذا كانت الجلسه عربي..جلست على السفره كالحوريه..

يعني تثني رجليها لليسار

تمسك الملعقة برفق..وتنظر اليها جيدا حتى تتأكد انها..تبرق.

تقول بصوت ناعم""بسم الله ""

تبدأ بأكل السلطه حتى تفتح شهيتها.

غرف الرز بالملعقه بحيث لايتجاوز عدد الرزات التي إلتقطتها"17"حبة فقط.

تمضغ الطعام جيداً بدون إظهار أي صوت.

عندما تنتهي من تناول الطعام تضع الملعقة جانباً..وتقول""الحمد لله"

تنهض بنفس الهدوء الذي جلست عليه..وتذهب لغسل فمها وتتعطر علشان
تروح ريحة فمها

اما الشباب :

ينهض من النوم متجهاً الى السفرة مباشره وهو مشمر الذراعين.

يجلس على السفره وكأنه يسقط من السماء"""نيزك""".

يدخل يده كاملة في طبق الرز تاركاً بين كل أصبع والثاني

مسافة 2سم.يخرج يده بعنف من الطبق وكأنه....شيول يغرف بالتراب...

يرمي باللقمة الى فمه المفتوح 15سم.

يمضغ الرز بطريقة ......

يأكل السلطة بعدما يقضي على الرز واللحم.

ينهض بسرعة الصاروخ وفي يده علبة سفن أب""يا لذيذ يارايق..

يظهر صوتاً بشعاً جداً .....يععععععع .
يمسح يده في ثوبه.............................. ..

ههههههه ولكم
بس الزاهر مش فاهم الموضوع عيد قرائتو اوكيييز

زائر

hhh
thx

هههههههههههههههههههههه

موضوع جميل كاتبة اجمل تقبلي مروري

الورود الميتة

الموضوع حلو

بس مكرر

اني نابلسية وبحب نابلس وبعشقها ........ بتعرفوا ليش؟؟؟ فوتو لتعرفوا...... P

السلام عليكم ورحمة الله وبركاته

*****

عش ما شئت فإن ميت ، وأحبب من شئت فإنك مفارقه ، واعمل ما شئت فإنك مجازي به ، واعلم أن شرف المؤمن قيامه بالليل وعزه استغناؤه عن الناس
loOo loOO

السؤال ليش بنحب نابلس ؟؟

[i][i]1.[/i][/i]
لانه كل المحلات في البلد والقهاوي والتكسيات لازم
يسمعوا ام كلثوم اخر النهار. وصحاب المحلات حتى اصحاب البسطات بكونو حاطين نفس تمباك باب المحلات وقاعدين اخر النهار

2.
لانه وانتا ماشي بالخان كل صحاب المحلات بقولولك اتفضلو عمي. او تفضل عالمؤسسة

3.
لانه في نابلس بتقدر تعيش نهار كامل (تفطر حمص وتتغدا عجه وتتعشا فلافل وتميل عقهوه وتسحب نفس تمباك او معسل ) بس حركة 15 شيكل

4.
لانه في نابلس شو ما يصير اجتياحات ويدخلو اليهود بتلاقي انه الناس بعدها بدها تعيش وبعد ما يطلعو اليهود بتلاقيهم عبو البلد والشوارع. وكل واحد بحكي عن بطولاته مع الجيش

.
5.
لانه في نابلس بسرعه بتنتشر الاشاعات والاخبار فش اشي مخبا يابا !

6
. لانه في نابلس كل الناس بقربو لبعض وكل الناس بتعرف بعض وكل الناس بعرفو

اخبار بعض.

7
. لانه في نابلس كل الناس بتكون بتكزدر في البلد ليلة وقفة العيد ومعجوقين .ومش شارين اشي
.
8
. لانه في نابلس في كنافه ومدلوئه وكلاج وعوامه وقطايف و نواشف و بلوريه وكل الحلويات الزاكيه.

9
.
لانه في نابلس بتكون مصاحب تنين ما الهم علاقه في بعض بعد مده طويله بتكتشف يا انهم قرايب يا انهم بعرفو بعض من زمان يعني البلد شبكة.
10.
لانه في نابلس في عكوب، والزلام قبل النسوان بعكبو لما يبلش موسم العكوب .وكل

الناس بتخزن ابصر اكم كيلو لطول السنه.
11.
لانه في نابلس اللبن تلت انواع نعاج وسمار وبقر. وبيجي في مرتبان اقزاز ولازم تاخد معك الفاضي لما بدك تشتري لبن لانه ما برضى يعطيك اياه صاحب المحل بدون الفاضي او بحطلك اياه بكيس.
[i][i]12.[/i][/i]
لانه في نابلس كل الناس في النهار بتكون تكزدر وتلفلف في البلد وفي الليل نفس الشباب والبنات بتلاقيهم بكزدرو في رفيديا.!
13.
لانه في نابلس اول ما تتعرف على حد جديد يا بشبه عليك يا بسألك عن واحد من عيلتك شو بقربلك يا بقولك "شو بئربولك دار فلان الي فاتحين ابصر وين"
14
. لانه كل شوارع نابلس مفتوحه عبعض يعني مستحيل تضيع بنابلس ولو تضيع وتسأل واحد في الشارع عن المكان الي رايح عليه بتلاقي كل الي في الشارع صارو يدلوك ومن كل قلبهم بكونو نفسهم ما تضيع وتوصل للمكان الي بدك اياه.
15.
لانه في نابلس لما تصير طوشه بتلاقي نص مليون واحد متجمعين. وكل واحد بسأل التاني شو في؟
16.
لانه من نابلس ابراهيم طوقان وفدوى طوقان ولانه كتير ناس مشاهير عيلتهم النابلسي او عيلتهم بتلاقي اصلها من نابلس ولانه في نابلس مكتبة البلديه وجامعة النجاح وفي نابلس كمان حارة الاريون وحارة الياسمينه والحمام التركي وحمام السمرا و في الصابونه النابلسية ولانه نابلس من المدن العريقه في الوطن العربي ، وهي تاني اقدم مدينة بالعالم بعد اريحا .
17.
لانه نابلس من اول المدن الي كان فيها سينما يعني سيدي الي عمره 70 سنه لحق السينما بايام شبابه وبس هالايام ما في ولا سينما شغاله.
18.
لانه عند كل الناس غدا العرس يوم العرس الا عند اهل نابلس تاني يوم العرس .
19.
لانه في نابلس تالت يوم العزا بعملو دلايل وبجيبو كنافه .
20.
لانه كل اهل نابلس بحبو نابلس وما بحبو يطلعو منها .
21.
لانه في نابلس دايما بتلاقي تنين صحاب واحد نابلسي والتاني فلاح ودايما متناقرين بس عن مزح
22.
لانه في نابلس اغلب شفيرية التكاسي بسمعو لمصطفى كامل !
23.
لانه لهجة اهل نابلس فش زيها و في مصطلحات فش زيها " الله يزلك " ، "ومووتيي" وابصر شو !
24.
لانه في نابلس في ناس من 3 اديان عايشين ومبسوطين وعمره ما صار بينهم مشاكل(مسلمين ومسيحيه وسمرا)
25.
لانه في نابلس لما تشتريلك لبسه وتفكر حالك جايب اشي جديد تاني يوم بتلاقي نص شباب البلد لابسين نفس اللبسه.
26.
لانه في نابلس ما بتدفي الدنيا شوي الا بتلاقي كل اهل نابلس يوم الجمعه نزلو عالباذان
27.
لانه في نابلس ما بفتح مطعم جديد او قهوه جديده بتلاقي كل الشباب راحو عليه . وبعد شهر ببطل يفوت عليه حد .
28.
لانه في نابلس اذا فتح محل اشي جديد ومشيت معه كلها شهر زمان وبتلاقي نص اهل البلد فتحو محلات متله.
29
. لانه كل شباب نابلس يا بشجعو ريال مدريد يا برشلونه .ودايما متناقرين

30
واخيرا ، بنحب نابلس لانها نابلس
وانا نابلسي أح يابا
واللي عاجبه عاجبه ، واللي مش عاجبه على اقرب بحر

يسلمووووو

وكمان يسلمو لولو

يسلمووووو

» انا نابلسي.. وبحب نابلس يابا.بتعرف لييييش؟؟؟‏
» صور نابلس ، مدينة نابلس ، السياحه في نابلس
» لــــيه كلنا منحب نابلس واهل نابلس
» شويه مصطلحات فلسطينية قح يعني غزاويه ع مجدلاويه ع حماميه ع نابلسية
» صور للكوكتيل وعصير فوتو معي