للرجال فقط -عملية تطهير (غير عرقي)

زائر

أنا بتذكر لما كنا ولاد صغار, عمنا الدكتور ابو مسعود شقير

كان بتاع كله دكتور سنان, ومطهر, ومجبر, وتمرجي, ومختار كبير

ومعلم أصلي عارف شغله, وايده مسحوره وخفيفه كتير

وكانت كل أَهل نابلس بتحبه, وما كان عنده غلاظه ولا تقصير

يحمل بالشنطه موس حلاقة ومشكه وابره وكلابه وما عنده تخدير

ولما يدق بقفا الولد الابرة يخليه يصرخ ويهرب مش عارف «وير»

وعند ما تدب في الولد الروح ويكبر يقولوا لازمله حسب السنة تطهير

ويحمل ابو مسعود العدة للبيت ويلبي دعوة الناس من غير تأخير

ويتنحنح ويخبط بخفة على الباب ويقول يا الله افتحولي دَسطور

ويسأل وين العريس هاتولي اياه وجيبولي ميه وشعلوا البابور

ويخرج عدته من الشنطة ويزبطها ويصفها جنب بعضها طابور

والأمُ من ورا فتحة الباب تتفرج والاب واقف عالولد ناطور

ويقول ابو مسعود للولد عمي خود هالملبسة وخليك عاقل وشطور

واتطلع شوف هون على إصبعي في السقف في حمامة بدها تطير

ويرفع الولد المسكين راسه وعلى نياته مش عارف شو راح يصير

وعلى المصطفى ابو مسعود يصلي ويكبر ويهلل ويشك الجلده بسيخ صغير

ويروح مستل من على الطاولة موسه وبلحظة يهف الفلتر من راس «الطير» ؟

ويصرخ الولد من حلاوة الروح وينزل يسب لكنه معذور

ويعرف انه ابو مسعود ضحك عليه ومفيش في السقف حمامة ولا عصفور

وياخذ ابو مسعود الاجره حسب القدره وما كان عنده فاتوره ولاتسعير

ويزفوا الولد بحفله كبيره طبله وزغروطه واغاني ورقص وتزمير

وبعض الناس يسموها عملية ختان والبعض يقولوا عليها تطهير

وهديك الايام ما كان عند الناس كمرات والمشهد كان يعدِّي من غير تصوير

والدنيا كانت ماشيه عالبركه كله مقبول ونعمه وماشي ويصير

ومن بعدها إجو خُبرا كتار وقالوا إِنه العملية عاوزه تطوير

وصاروا يقصوها على فتحة البيكار لكن ابو مسعود كان اشطر في التدوير

ومات ابو مسعود لما خلص عمره وعلى قبره هدت حمامه بيضه مش عاوزة تطير

(وليد الكيلاني)

زائر

يسلمووووووووووووو

يسلموووو كتير

تحياتي

يسلمووووو[b] خيووووووو

زائر

يسلمو يا عسل

زائر

يسلموووووووووووو

زائر

يسلموووووووو كتيييييييير

يسلمووووو كتير الك

» من هي المرأه للرجال
» نجاح اصعب عملية زراعة وجه في العالم
» وفاة ابن القذافي في المستشفى إثر عملية انتحارية
» راي مستريو يجري عملية ثانية في الركبة