حوار الطرشان

موضوع: حوار الطرشان 4/24/2010, 13:03

حوار الطرشان ...
يا هيك التواصل يا بلاش وحياتكم ما كتبتها ولكن اعجبت بفن التواصل العربي وحوار الطرشان ...
قلت يا بنت ما تكوني اناني يمكن تفيدي غيرك ويقتنع مثلي انو المنصت الجيد هو المتحث الجيد والمسموع خاصه انها قصه من بلادنا كلنا ...
الاب: يا فلان
الابن: (وبكل برائه )نعم
الاب: نعامه ترفصك .تعال
الابن: ليش شو سويت ؟

الاب:سواك ضريب يخلع رقبتك
الابن: شوفيه؟؟
الام: شاوي يشوي عضمك .رد على ابوك زي العالم المحترمه
الابن : هو انا حكيت شي؟
الاب :حكحكوا جنابك بالعصايه .اوقف عدل يا حيوان
الابن :حاضر
الام :يحضرو على قبرك لما ابوك يحكي .انت بتخرس
الابن :اخرس؟
الاب: انشاء الله خرسه اللي تخرسك
الابن :ماشي
الام :اجاك مشش الي يركبك.ما تقوم منه
الابن :شو هاد مشش؟؟؟
الاب :اما انك قليل حيا وبترد على امك كمان ؟هات العصايه وتعال
الابن :انا رديت على امي ؟ماما احكي كلمه .
الام: مو يمزع نيعك ماما ... حكيتلك خلص اخرس
(انغلب على امره وهون سكت)
الاب :اما جيل قليل حيا ...احكي ولك مالك يا بابا انخرست انشاء الله خرسه دايمه
الابن :شو احكي اذا حكيت بتشوفو كلامي غلط
الاب : ليش اعمى شايفني ولا احول؟
الابن :لا اله الا الله
الام :الله ياخدك ماما يا ريتني خلفت ابن جيرانا ولا خلفتك
الاب :مش عارف هاد الولد متى بدو يصير رجال في كل قعده مع الناس دايما فاضحني وين ما اروح فاضحني
الابن:طيب شو اعمل هلا منشان تشوفني رجال؟؟
الاب :انشاء الله ما تطيب .اخرس .قليل حيا
الابن :يا ربيييييييييييييييييييي خلاص عاد ممكن اروح غرفتي ؟ انتو ليش ناديتوني ؟
الام للاب : اه صحيح انت ليش ناديت على الولد ؟
الاب :بتصدقي يا مره ......نسيت مش عارف خلاص روح انقلع على غرفتك .

ما رايكم باسلوب النقاش المتحضر هذا؟؟؟

موضوع: رد: حوار الطرشان 4/30/2010, 07:41

يسلمووووووووووووووو