ليش انا شخصيا بحب نابلس وبموووووووووووت فيها؟؟؟؟‏

زائر

تذكير بمساهمة فاتح الموضوع :

ليش كلنا منحب نابلس و أهل نابلس؟؟؟؟

1. لانه كل المحلات في البلد والقهاوي والتكسيات لازم بسمعوا ام كلثوم اخر النهار.وصحاب المحلات حتى اصحاب البسطات بكونو حاطين نفس تمباك باب المحلات وقاعدين اخر النهار

2. لانه وانتا ماشي بالخان كل صحاب المحلات بقولولك اتفضلو عمي. او تفضل عالمؤسسة

3. لانه في نابلس بتقدر تعيش نهار كامل (تفطر حمص وتتغدا عجه وتتعشا فلافل وتميل عقهوه وتسحب نفس تمباك او معسل ) بس حركة 15 شيكل

4. لانه في نابلس شو ما يصير اجتياحات ويدخلو اليهود بتلاقي انه الناس بعدها بدها تعيش وبعد ما يطلعو اليهود بتلاقيهم عبو البلد والشوارع. وكل واحد بحكي عن بطولاته مع الجيش
.

5. لانه في نابلس بسرعه بتنتشر الاشاعات والاخبار مافي شي مخبا طبعا "من باب كلنا اهل !

لانه في نابلس كل الناس بقربو لبعض وكل الناس بتعرف بعض وكل الناس بعرفو اخبار بعض
.

6. لانه في نابلس كل الناس بتكون بتكزدر في البلد ليلة وقفة العيد ومعجوئين .ومش شارين اشي
.

7. لانه في نابلس في كنافه ومدلوئه وكلاج وعوامه وقطايف و نواشف و بلوريه وكل الحلويات الزاكيه.

8. لانه في نابلس بتكون مصاحب تنين ما الهم علاقه في بعض بعد مده طويله بتكتشف يا انهم قرايب يا انهم بعرفو بعض من زمان يعني البلد شبكة
.

9. لانه في نابلس في عكوب والزلام قبل النسوان بعكبو لما يبلش موسم العكوب .وكل الناس بتخزن ابصر اكم كيلو لطول السنه
.

10. لانه في نابلس اللبن تلت انواع نعاج وسمار وبقر. وبيجي في مرتبانات قزاز ولازم تاخد معك الفاضي لما بدك تشتري لبن لانه ما برضى يعطيك اياه صاحب المحل بدون الفاضي او بحطلك اياه بكيس.

11. لانه في نابلس كل الناس في النهار بتكون تكزدر وتلفلف في البلد وفي الليل نفس الشباب والبنات بتلاقيهم بكزدرو في رفيديا
.!

12. لانه في نابلس اول ما تتعرف على حد جديد يا بشبه عليك يا بسألك عن واحد من عيلتك شو بقربلك يا بقولك "شو بئربولك دار فلان الي فاتحين ابصر وين
"

13.. لانه كل شوارع نابلس مفتوحه عبعض يعني مستحيل تضيع بنابلس ولو تضيع وتسأل واحد في الشارع عن المكان الي رايح عليه بتلاقي كل الي في الشارع صارو يدلوك ومن كل قلبهم بكونو نفسهم ما تضيع وتوصل للمكان الي بدك اياه
.

14. لانه في نابلس لما تصير طوشه بتلاقي نص مليون واحد متجمعين. وكل واحد بسأل التاني شي في؟

15. لانه من نابلس ابراهيم طوقان وفدوى طوقان ولانه كتير ناس مشاهير عيلتهم النابلسي او عيلتهم بتلاقي اصلها من نابلس ولانه في نابلس مكتبة البلديه وجامعة النجاح وفي نابلس كمان حارة الأريون وحارة الياسمينه والحمام التركي وحمام السمرا و في الصابونه النابلسية ولانه نابلس من المدن العريقه في الوطن العربي
.

16. لانه نابلس من اول المدن الي كان فيها سينما يعني سيدي الي عمره 70 سنه لحق السينما بايام شبابه وبس هالايام ما في ولا سينما شغاله
.

17. لانه عند كل الناس غدا العرس يوم العرس الا عند اهل نابلس تاني يوم العرس .
و لإنه بس أهل نابلس بغنوا إمه يا إمه في العرس و المباركة و بدونها ما بنفع العرس

18. لانه في نابلس تالت يوم العزا بعملو دلايل وبجيبو كنافه
.

19. لانه كل اهل نابلس بحبو نابلس وما بحبو يطلعو منها "أهم نقطه
.

20. لانه في نابلس دايما بتلاقي تنين صحاب واحد نابلسي والتاني فلاح ودايما متناقرين بس عن مزح

21. لانه في نابلس اغلب شفيرة التكاسي بسمعو لمصطفى كامل
!

22. لانه لهجة اهل نابلس فش زيها و في مصطلحات فش زيها " الله يزلك " ، "ومووتيي"، "ويا مسخمط" ،"ويامزلول"

23. لانه في نابلس في ناس من 3 اديان عايشين ومبسوطين وعمره ما صار بينهم مشاكل .... مسلمين ومسيحيه وسمرا

24. لانه في نابلس لما تشتريلك لبسه وتفكر حالك جايب اشي جديد تاني يوم بتلاقي نص شباب البلد لابسين نفس اللبسه.

25. لانه في نابلس ما بدفي الدنيا شوي الا بتلاقي كل اهل نابلس يوم الجمعه نزلو عالبادان

26. لانه في نابلس ما بفتح مطعم جديد او قهوه جديده بتلاقي كل الشباب راحو عليه . وبعد شهر ببطل يفوت عليه حد
.

27. لانه في نابلس اذا فتح محل اشي جديد ومشيت معه كلها شهر زمان وبتلاقي نص اهل البلد فتحو محلات متله
.

28. لانه كل شباب نابلس يا بشجعو ريال مدريد يا برشلونه .ودايما متناقرين
.

و لإنه البنت بتاخد كل حقها من الميراث إلا إزا اتخلت عنه برضاها

ولانه بالعالم كله مستحيل تلاقي احلا من بنات نابلس ماشاءالله بدون عمليات تجميل وبهاي مافي حدا بقدر يقول غير هالحكي صحححححححححححح

المشرف العام عدد المشاركات : 13979

بجد فش بعد نابلس

شكككرا عاشق على الموضوع النايس

عــضــو عدد المشاركات : 1

لا هي جد حلوة نابلس انا اشتغلت فيها بس شي بجنن ولله

زائر

مشكورين جميعا على ردودكم و مروركم الجميل

وبجد انا شخصيا بحب نابلس وبموت فيها مش لئني من سكانها بالعكس انا بحبها وبس

وتحياتي لكم

عاشق القمر

عـضـو جـديـد عدد المشاركات : 13

la2 jad mawdooo3 ma ba2dar a2ollak 3anno mo 7elo kollo ana shayefto be3ene ليش انا شخصيا بحب نابلس وبموووووووووووت فيها؟؟؟؟‏ - صفحة 3 Icon_bounce

bas jad kteeeeer nice mawdoo3ak w ya3teek il 3afye Wink

w kaman shabab nablus 7elween ليش انا شخصيا بحب نابلس وبموووووووووووت فيها؟؟؟؟‏ - صفحة 3 Icon_wink

عـضـو جـديـد عدد المشاركات : 13

& i love nablus very very much ليش انا شخصيا بحب نابلس وبموووووووووووت فيها؟؟؟؟‏ - صفحة 3 Herz

زائر

اشكركي جزيل الشكر على مرورك العطر

واكيد انا مش جايب شي من عندي هاد هو الواقع

والك تحياتي

عاشق القمر

والله يعافيكي ودمتي بخيرر

la shokra 3ala wajeb ليش انا شخصيا بحب نابلس وبموووووووووووت فيها؟؟؟؟‏ - صفحة 3 Icon_bounce

had wajbe ... welc

زائر

مشكووره اختي على واجبك

تحياتي لكم

عاشق القمر

يسلموووو كتير

!!

نابلس ما في متلها اثنين
احلى نابلس والله

زائر

مشكور اخي بقايا انسان

على مرورك الرائع

ودمت بود

6. لانه في نابلس كل الناس بتكون بتكزدر في البلد ليلة وقفة العيد ومعجوئين .ومش شارين اشي
.

7. لانه في نابلس في كنافه ومدلوئه وكلاج وعوامه وقطايف و نواشف و بلوريه وكل الحلويات الزاكيه.

8. لانه في نابلس بتكون مصاحب تنين ما الهم علاقه في بعض بعد مده طويله بتكتشف يا انهم قرايب يا انهم بعرفو بعض من زمان يعني البلد شبكة

صح هالكلام

ثااااااانكس

انا بحبها لانها مدينة كتييير حلوة

والي فيها احلا

يسلمووووووووووووووووو يا عاشق القمر يا ابن جيرانا

يسلمووووووو عاشششق

انا بحبها لانها مزة نابلس

احلى مدينة نابلس

ميرستووووووو لاالك

زائر

اهاا صح احلى مدينة نابلس

مشكور عموضوعك الرائع وضيف كمان وحده لانو شبابها حلوين

يعطيك العافيه

يسلموووو

يسلمووو عاشق القمر

انا كان شعوري عادي بما اني طزل عمري بنابلس وبما اني نولدت فيها وكنت احب مدينتي طبعا بس لما اتغربت عرفت انو ما في زي نابلس واهل نابلس

يسلمووووووووووووووووووووو

زائر

والله نابلس حلوة كتير

بس اكيد كل واحد بنظرو بلدو بجنن

ومتل مابحكي المتل الئرد بعين امو غزال

فانا بلدي جنين برضو كتير حلوة

ونابلس وجنين التنتين احلى من بعض ولانو اهل امي من عندكم نابلس بجنن واهل بابا من جنين برضو جنين بجنن[b]

مشكور عاشق القمر

لاني انا منهاااا

وعايش بعيد عنهاااا

لانه في نابلس كل الناس بتكون بتكزدر في البلد ليلة وقفة العيد ومعجوئين .ومش شارين اشي
بهي كعك حق 100%
يسلمووووووو

زائر

ولانه بالعالم كله مستحيل تلاقي احلا من بنات نابلس ماشاءالله بدون عمليات تجميل وبهاي مافي حدا بقدر يقول غير هالحكي صحححححححححححح

اه والله معك كل الحق في هاي

مشكوووووووووووووووووور

تحياتي

زيزوووووووووو

ولانه بالعالم كله مستحيل تلاقي احلا من بنات نابلس ماشاءالله بدون عمليات تجميل
هي 100% صحححح
يسلمووووووووووو

والله عمار يا نابلس

الله يحماها ويحمي شبابها

موضوع كتير حلو
تقبل مروري اخي

انا بحبها عشان سما نابلس

لما بنكون زهقانين بنطلع عليها
هههههههههههههههههههههه

a7la nablus walla ♥

يسلمووو

» صور نابلس ، مدينة نابلس ، السياحه في نابلس
» لــــيه كلنا منحب نابلس واهل نابلس
» نايم عند خطيبتي فيها شي
» فكر فيها شوي بتشوفها مزبوطة .........
» ايش فيها يعني لو قلت انساني؟!