قصة الديك تحشيش هاهاها

الاب والابن والديك

في ولد طفران (مامعو ولا ليرة ) راح لابو وقلو :بابا اعطيني 50 ليرة بدي اشتري طابة

الاب :روح من وشي ماني فاضيلك يا صبي

الولد :بابا الله يخليك بس 50 ليرة طيب خليون 25

الاب :مامعي مصاري ... إذا بدك روح بيع الديك المريض اللي عنا بالجنينة

الولد :بس هاد مريض وما حدا بيشتريه

الاب : تصطفل دبر حالك

الولد استسلم للأمر الواقع واخد الديك وراح يبيعو

أول واحد شافو هو وطالع من البيت أبوه....

قلوالولد: تشتري الديك؟

الاب : بتروح من وشي احسن ما اضربك

الولد :خلص خلص آسف

طلع الولد من البيت ومعو الديك في محاوله يائسه انو الديك ينباع
عرض الديك على أهل الحاره كلهم ولا واحد فيهم قبل إنو يشتري الديك

قال الولد: ممممممممم, والله ماالي غير فلانه,,

عقلها خفيف وأكيد بقدر ألعب عليها بسهوله (فلانه كانت وحده متزوجه ...)

راح لعندا الولد مشان يبيعا الديك


الولد :مرحبا تشتري الديك

فلانة :اهلين يا حباب .. تعا قرب مني عشان ابوسك

الولد :ماني فاضي لك .. خذي مني الديك وخليني روح

شوي الا الباب يدق خافت (فلانة )

وقالت للولد تعال فوت اتخبا بالخزانة
ليكون زوجي و نروح فيها.

حطت الولد في الخزانة وراحت فتحت الباب طلع صديقها !!!

فلانة :اهلين حياتي اتفضل

الرجال: اهلين كيفك

وما كمل كلمتو إلا والباب يدق مرة تانية


فلانة : ياويلي ,,هاد شكلو زوجي,,,تعا وادخول بالخزانة


دخل الرجال بالخزانة وفجاه في عز الظلام سمع صوت يكلمه داخل الخزانة

ويقول له: تشتري الديك؟

الرجال: اشششششششش,,,,وطي صوتك الله يرحم والديك لاتفضحنا

الولد :عم قلك تشتري الديك؟

الرجال: يااخي ماشي بشتري الديك بس لا عاد تحكي

الولد :طيب
الرجال: كام حقو؟

الولد :500ليرة

الرجال: شووو!!!!!!!!!!!! هالديك المنتوف المريض ب 500ليرة!!!!!!!!!!!!

الولد : تشتري ولا ارفع صوتي؟

الرجال: لا لا خلص,,بشتري وأمري لله

بعد 5 دقايق

الولد :تبيع الديك؟

الرجال: لسا من شوي بعتني هو يابن الحلال!!

الولد :تبيعه ولا ارفع صوتي؟

الرجال: لا لا خلاص,,اببيعه وأمري لله,,بكم تشتريه؟

الولد :ب 5ليرات

الرجال: شو!! 5 ليرات!!!! انا مشتريه منك ب 500وانت تشتريه مني ب5ليرات

الولد :تبيعو ولا ارفع صوتي؟

الرجال: لا لا خلاص,,ببيعو وأمري لله



بعد 5 دقيق كمان

الولد: تشتري الديك؟

الرجال: يا اخ من شوي اشتريتو منك !

الولد : تشتري ولا ارفع صوتي؟

الرجال: لا لا خلاص,,بشتري وأمري لله,,,بكام بدك تبيعو ؟

الولد :ب1000ليرة

الرجال: الله ياخدك انشالله,,,,من شوي اشتريتو منك ب 500ليرة!

الولد : تشتري ولا ارفع صوتي؟

الرجال: لا لا خلاص,,بشتري وأمري لله



كمان 5 دقايق


الولد :تبيع الديك؟

الرجال: انا لله وإإنا إليه راجعون ,,,,,بكام تشتريه؟

الولد :بليرة

الرجال: شو بدي قول !! ببكي ولا بشق تيابي ,,,خود الديك ببلاش وحل عني بس



بعد قليل تفتح فلانة باب الخزانة

وقالتلون: يالله بسرعه اطلعو قبل ما يطلع زوجي من الحمام واحد واحد حتى ما يحس,,


طلع الرجال اول شي وبعدو بشوي طلع الولد


الولد يتمشى في الشارع وهومبسووووط واشترى طابة وبوظة وعزم رفقاتو وبعدين

راح عالبيت لما دخل شاف ابوه قدامو .

راح لعند ابوه : تشتري الديك؟


الأب اتطلع فيه والشرار طالع من عيونو
وقالو : ما كفاك يا ابن (??)الــ 1500 ليرة اللي لطشتا مني بالخزانة