15 سبب لتكون نابلس من اكتر المدن المميزة !:d
1.لانه وانتا ماشي بالخان كل صحاب المحلات بقولولك اتفضلو عمي. او تفضل عالمؤسسة
2.لانه في نابلس بتقدر تعيش نهار كامل (تفطر حمص وتتغدا عجه وتتعشا فلافل وتميل عقهوه وتسحب نفس تمباك او معسل ) بس حركة 15 شيكل
3.لانه في نابلس شو ما يصير اجتياحات ويدخلو اليهود بتلاقي انه الناس بعدها بدها تعيش وبعد ما يطلعو اليهود بتلاقيهم عبو البلد والشوارع. وكل واحد بحكي عن بطولاته مع الجيش
4.لانه في نابلس كل الناس بقربو لبعض وكل الناس بتعرف بعض وكل الناس بعرفو
اخبار بعض.
5.. لانه في نابلس كل الناس بتكون بتكزدر في البلد ليلة وقفة العيد ومعجوقين .ومش شارين اشي
6.لانه في نابلس في كنافه ومدلوئه وكلاج وعوامه وقطايف و نواشف و بلوريه وكل الحلويات الزاكيه.
7.لانه في نابلس كل الناس في النهار بتكون تكزدر وتلفلف في البلد وفي الليل نفس الشباب والبنات بتلاقيهم بكزدرو في رفيديا.!
8.لانه في نابلس اول ما تتعرف على حد جديد يا بشبه عليك يا بسألك عن واحد من عيلتك شو بقربلك يا بقولك "شو بئربولك دار فلان الي فاتحين ابصر وين"
9.لانه في نابلس لما تصير طوشه بتلاقي نص مليون واحد متجمعين. وكل واحد بسأل التاني شو في؟
10.لانه عند كل الناس غدا العرس يوم العرس الا عند اهل نابلس تاني يوم العرس
11لانه في نابلس تالت يوم العزا بعملو دلايل وبجيبو كنافه .
12.لانه كل اهل نابلس بحبو نابلس وما بحبو يطلعو منها .
13.لانه لهجة اهل نابلس فش زيها و في مصطلحات فش زيها " الله يزلك " ، "ومووتيي" وابصر شو
14. لانه كل شباب نابلس يا بشجعو ريال مدريد يا برشلونه .ودايما متناقرين
15.لانه في نابلس ما بتدفي الدنيا شوي الا بتلاقي كل اهل نابلس يوم الجمعه نزلو عالباذان
واخيرا ، بنحب نابلس لانها نابلس
مشان هيك انا بحب ناابلس وما بلائي زيها
وانتو شو بتحبو بنابلس وليش بتحبوها؟؟
نااايس
3/5/2011, 13:25
